所以今次就去深水埗食嘢😍
去深水埗唔洗淨係去Cafe食咁悶
今次就想食啲唔同嘅嘢
帶大家嚟食韓國菜🇰🇷
1
呢間韓式小店位於福華街
店面以藍綠色同白色為主調
帶小清新風格 遠睇以為係Cafe🤣
雖然店舖空間比較細 但五臟俱全😦！
由於座位唔算多
所以食飯時間都見到有人等位～
1
原來呢間小店由一對港韓夫婦經營
主打家庭式韓國菜🇰🇷
簡單韓食都會有 仲有套餐選擇
價錢又唔太貴！
芝士煎雞蛋卷之前成日見到呢個「고맙습니다 」雞蛋卷
終於見到「本尊」🤪
蛋卷面用茄汁寫住「고맙습니다 」
韓文係解作「感謝」🫶🏻
雞蛋卷有原味同芝士兩款
超厚超大份量😱
裡面包咗超級多芝士
一切開啲芝士好似瀑布咁😛
仲有拉絲效果 睇見都好邪惡👿
卷蛋又唔會煎得好熟
嫩得嚟又有蛋香😍
不過真係超多芝士😂
食多幾舊會有啲漏🫣
幸好茄汁嘅酸甜中和返膩感
迷你泡菜煎餅食韓國菜通常啲份量都好大
有時人少少想食個泡菜煎餅又怕食唔哂😮💨
但呢度完全冇呢個煩惱😆
因為係一至二人份迷你版💕
泡菜煎餅好脆卜卜😍
冇平時正宗大塊嗰種好軟身嘅口感
而且都好足料
會食到一絲絲泡菜
味道酸酸辣辣 好正🤤
細細塊做小食幾唔錯！
韓式牛肉炒粉絲炒粉絲都係我幾鍾意嘅韓式小菜
非常之家庭式嘅菜式
呢碟炒粉絲超大碟
牛肉經過醃製 鹹鹹甜甜幾唔錯
肉質就還好 不過幾足料
加埋蛋絲、蘿蔔絲、香菇、
洋蔥、燈籠椒、蔥 一齊炒
粉絲口感滑身彈牙
吸收咗材料嘅味道 好惹味😍
咁多種材料加埋好豐富！
