影片
更多
2023-07-05
68 浏览
餐廳：豚本家 (荃灣)地址：荃灣青山公路荃灣段210號富華中心商場2樓B號舖荃灣呢間親民價日式定食餐廳——豚本家，開咗接近3個月就已經吸引咗一班長期食客，皆因佢哋主打香港人最鍾意嘅平靚正旗號，推出海鮮丼、燒物、天婦羅、吉列、燒物、煮物等超過30款定食，仲有各款刺身、日式小食同甜品🍨，而午市堂食免加一之餘，期間限定嘅南蠻炸雞定食依家只需要$58😍，所有定食仲包前菜、茶碗蒸、麵豉湯同白飯，着校服嘅學生再送汽水一杯🥤，唔怪之得男女老友、學生、打工仔、家庭主婦咁多人過嚟食晏啦😎✝️吉列厚切豬扒定食 $95嚟度緊喺要試人氣No.1嘅吉列厚切豬扒，一上枱嗰陣忍唔住「嘩」咗一聲🤣，見到皮薄肉堅厚嘅吉列厚切豬扒，每塊都足3-4cm厚，而且肉嫩多汁帶有少少脂肪層充滿豐富豚肉香，一啲都唔嚡唔韌，外脆內嫩嘅口感加上少少檸檬汁/燒汁一齊食就中和埋油膩感。夏天配埋冷蕎麥麵(+$18)食就夠晒透心涼☺️，輕輕煙韌有咬口，加上陣陣蕎麥香同撈咗紫菜絲、薑蓉同Wasabi湯汁嘅鮮味，一啖吉列豬扒一啖麵，邊個抵擋得住😌不過茶碗蒸就唔夠蛋香同有啲爛，有啲遜色；麵豉湯有足料嘅海苔同豆腐，喺有少少鹹得滯🤏。另外叫咗個吞拿魚刺身($
地址：荃灣青山公路荃灣段210號富華中心商場2樓B號舖
荃灣呢間親民價日式定食餐廳——豚本家，開咗接近3個月就已經吸引咗一班長期食客，
皆因佢哋主打香港人最鍾意嘅平靚正旗號，
推出海鮮丼、燒物、天婦羅、吉列、燒物、煮物等超過30款定食，仲有各款
刺身、日式小食同甜品🍨，而午市堂食免加一之餘，期間限定嘅南蠻炸雞定食依家只需要$58😍，所有定食仲包前菜、茶碗蒸、麵豉湯同白飯，着校服嘅學生再送汽水一杯🥤，唔怪之得男女老友、學生、打工仔、家庭主婦咁多人過嚟食晏啦😎
✝️吉列厚切豬扒定食 $95
嚟度緊喺要試人氣No.1嘅吉列厚切豬扒，一上枱嗰陣忍唔住「嘩」咗一聲🤣，
見到皮薄肉堅厚嘅吉列厚切豬扒，
每塊都足3-4cm厚，而且肉嫩多汁帶有少少脂肪層充滿豐富豚肉香，一啲都唔嚡唔韌，外脆內嫩嘅口感加上少少檸檬汁/燒汁一齊食就中和埋油膩感。
夏天配埋冷蕎麥麵(+$18)食就夠晒透心涼☺️，輕輕煙韌有咬口，
加上陣陣蕎麥香同撈咗紫菜絲、薑蓉同Wasabi湯汁嘅鮮味，一啖吉列豬扒一啖麵，邊個抵擋得住😌
不過茶碗蒸就唔夠蛋香同有啲爛，有啲遜色；麵豉湯有足料嘅海苔同豆腐，喺有少少鹹得滯🤏。
另外叫咗個吞拿魚刺身($48)，一份有3件，厚肉大塊得嚟肉質新鮮；飲品叫咗個熱柚子茶($18)，佢哋仲有各款梳打同汽水🍹，唔好以為看似普通日式定食餐廳就無酒飲，你仲可以喺度搵到啤酒同清酒🍶，啱晒唔同人嘅口味😆PS 唔夠食可以免費無限追加白飯同椰菜絲，啱晒自認喺大胃王嘅你👍
张贴
