蕃滿門 (已結業)

以前係中大住hall🏫經常會出大埔蕃滿門食飯佢地嘅蕃茄湯螺絲粉 食左4年都唔厭最近寶琳開左新分店就約左大學同學 去重新回味一下大學嘅味道🎓我地先嗌左一份蕃茄濃湯🥣蕃茄濃湯超級大份2-3個人share都絕對夠飲入面有大量茄蓉同埋2大隻蕃茄🍅超級足料 又好飲 真係極力推介！跟住我地嗌左一份鴛鴦雞扒蕃茄螺絲粉🐔除左經典嘅蕃茄炒滑蛋湯底而家仲有雙重芝士蕃茄湯/香辣蕃茄湯可以揀我今次就揀左雙重芝士蕃茄湯🧀️蕃茄湯啲料多到浮曬上面 芝士鋪滿表面做到好長嘅拉絲效果 口感真係好正啊鴛鴦雞扒分別係香煎雞扒同埋酥炸雞扒🐤兩塊雞扒都好大件 齋食雞扒都飽左我自己比較鍾意佢地嘅酥炸雞扒炸粉唔厚 又夠香脆 點埋泰式辣醬食真係一流🌶️因為筆者好鍾意佢地嘅炒滑蛋🥚所以特登加左一份炒蛋落螺絲粉一如以往 佢地啲炒蛋非常滑溜同茄湯絕對係完美配搭🥰鍾意食蛋嘅朋友絕對唔可以錯過朋友嗌左一份焗芝士肉醬意粉🍝肉醬意粉即叫即焗 上枱熱辣辣醬汁同埋芝士都超級多 啖啖都係滿足不過意粉略嫌過熟 有啲發脹如果可以有返少少咬口 一定更加好味！小食方面 我地揀左薯條餐廳提供嘅係粗薯條 香脆之餘有咬口可以過下口癮🥰飲品我試左朱古力脆脆🍫朱古力奶好滑