牛屋餐廳

营业中

休息中

朋友約了在佐敦食西餐，牛屋餐廳係一間專食扒嘅餐廳，餐廳環境幾有氣氛，我哋都分別點左晚飯套餐開心分享。餐湯羅宋湯，足料濃郁帶點酸甜，額外再加些胡椒粉更正。酥皮粟米忌廉湯，剛焗出黎的酥皮湯熱辣辣，好耐冇飲過☺️，味道正宗好好飲。餐包香軟微暖，中間己加了牛油，拌湯食好味😋。頭盤小食，招牌德國鹹牛脷，調味剛好唔會過鹹，爽口彈牙，配埋芥末醬味道好夾。德國蜜糖芥末燒豬手，超級大隻嘅豬手，個豬皮燒得香脆可口，肉質軟腍容易切開，味道咸香有咀嚼感，伴碟仲有香脆嘅粗薯條，同埋新鮮的沙律菜。美式雜扒飯，超級多料有豬扒、牛扒🥩、羊架、好多片煙肉🥓、沙律菜同埋太陽蛋，啱晒咩都想食d嘅我哋🥂。輕鬆愉快的晚餐，令人感到難忘的用餐體驗。