潮仔館 (已結業)

今日要嚟銅鑼灣買日用品，辦完正經事，就決定去附近搵間餐廳落腳。喺禮頓道見到呢間新開嘅「潮仔館」，初頭仲以為店鋪係以潮州菜作招徠，原來餐廳主打茶記美食，啱晒我心水，一於試下。店內地方不大，但整體環境也不錯，乾淨企理，加上用餐區以卡位為主，感覺都幾舒服。點咗兩個午餐：霸王雞 ($65) 同 魚香茄子炆米 ($55)。平時去餐廳食飯，都好鍾意點魚香茄子煲，呢度嘅魚香茄子炆米亦做得很不錯。茄子煮得軟硬適中，米粉質地爽口，魚香味濃，加上夠鑊氣又唔會過油，入口香香辣辣，非常惹味！另外客霸王雞亦好有驚喜，竟然係用鐵板盛載，送上時仍熱辣辣。雞件以白切雞加上特製醬油及薑蔥辣椒等組成，食落肉質好嫩滑，肥美肉厚，入口帶陣陣蔥油香，用嚟伴飯真係一流！每個餐都會配送熱飲，凍飲+$3、汽水+$8。