回到味來 (已結業)

朋友介紹呢間雞煲半任食火鍋即刻帶男朋友黎講我食7點半到已見到門口要等位，好彩有訂位感覺都幾好味，環境暗小小，不過有得坐梳化位，幾闊落一見到menu就有一個難題，卜卜蜆定雞煲？兩個都好想食最後男朋友中意雞煲，就叫左佢地招牌啦叫左小辣，一來到已經好香，店員話撈下就可以食了，香料入哂味，夠香夠辣，啲汁好好食呀，有得撈飯就好正雞都好嫩滑，唔會太老，啖啖肉，食完仲可以加，不過我地冇加了，留肚食火鍋會包一碟靚牛為左唔浪費雞汁，未轉火鍋湯底前我就食左一半牛用雞汁整真係勁香好好味啲汁入哂牛到，好似用精華煮熟夠牛，好味，入口即溶，牛味更出之後就捨得轉湯底打邊爐啦到有好多野可以任食呀每樣都想試，但其實食完海鮮我都已經飽左7成佢海鮮每人有一蝦、飽魚、大蜆、象拔蚌、蟶子、細蜆等等，每樣都新鮮上，落清湯就最突顯到鮮味多款多樣既海鮮味道唔錯，唔加調味料就咁食都可以加上佢仲送鹹蛋味蒜蓉扇貝第一次食呢個整法，都幾特別自己可以試下整最後叫左十款海鍋料左右，就捧住個肚走了味道唔錯，價錢唔錯，環境唔錯