飯丸屋 (灣仔道) (已結業)

上次食過飯丸屋，今日肚仔餓餓時，經過灣仔又遇到，立即停低開餐，同樣都是即叫即製，夠哂新鮮！等餐的時候，發現新增早餐時段，有三款飯糰揀，仲可以加錢配飲品，以後一早就可以食飽飯，全日元氣滿滿啦！◽ 蒲燒饅魚握飯糰睇住店員用上半條大饅魚，視覺好滿足，再加上即製玉子燒、丹麥午餐肉以及特製海苔沙津醬，蒲燒饅魚帶甜好開胃，同其他配料好夾，口感層次即時Level up，食一個就飽哂～◽ 夏天的味道下午茶套餐，一次食哂天婦羅炸蝦、日式炸雞及明太子薯條，雖然係炸物，但唔會太油，薯條蘸明太子醬好好食，加錢仲可以配埋飲品，食完好滿足。▪️ 黑糖豆漿豆漿有濃郁豆香，配上黑糖也不會太甜膩，推介！▪️ 蜜香紅茶入口帶茶香和甜味，飲落清爽。餐牌參考