吉利尼 (已結業)

食過好多星馬菜，賣相都好一般，因為食材多，上碟個陣都會覺得係一堆野咁，可能味道係好既，但都會扣分（好啦，我承認係外貌協會會員😬呢間既賣相就差唔多啦，料多但唔會一堆野亂上碟，見到都開胃。簡單食個午餐：喇沙 味道幾好，足料，好香椰香，微辣，惹味。另一個試新野，米暹，um...個人唔喜歡，太甜，真係甜，如果係酸酸甜甜都好d,但係佢齋甜，不過用料一樣好足，只係我個人唔好正餐係甜品。壓軸有咖椰多士，烘底好均勻，金黃色，夾住一片牛油，裡面搽左椰醬，咬落少少脆，多多醬，多到咇出黎，好正，兩人食一份岩岩好，太多就好膩啦再飲杯熱薏米水，滑滑地，少少甜，軟淋淋薏米👍🏼餐廳細細間，座位都比較埋，不過整體乾淨。