千の味刺身壽司專門店 (海福花園商場) (已結業)

呢間餐廳多區都有分店，日本癮起，確係唔錯嘅選擇。重點係價錢都好經濟抵食。「角切魚生飯」珍珠米上舖上滿滿嘅魚生，夠新鮮，角切幾有口感。「壽司冷麵餐」冷麵加入麻醬，好香，再配搭五件壽司，蟹籽．芥辣八爪魚．北寄貝．白身魚．三文魚，好味。「火炙丼」三文魚．左口魚．赤蝦．玉子特別喜愛赤蝦，大大隻．蝦頭勁多膏，鮮甜，厚厚嘅玉子口感豐富，份量足「照燒雞扒飯定食」即叫即製熱辣辣，雞扒煎得外皮香脆，夠嫩滑，配照燒汁好惹味，仲跟沙律．螺肉「蟹柳小卷．黃瓜小卷」簡簡單單嘅卷物一樣好食店員好貼心問需唔需要冰種，以免食物受天氣影響質數。$300已經有送外服務，下次足不出戶都可以食喇。