雲海米線 (已結業)

最近朋友推薦我去食一間新開嘅米線店，剛好我最近都愛上食米線，所以一收工就立刻到旺角，馬路邊好搶眼，bright orange為主色，好靚！店內光線充足，環境亦都相當整齊同清潔。落單都係用qr code，好方便。我朋友要左一個四寶雲南米線，裡面有豬腩肉，豆卜，豬皮，鯛魚片，然後更加可以加$10要濃蝦湯湯底。原來更加可以免費加底！呢間d米線口感好好，湯底濃郁，鯛魚片夠新鮮，豬腩肉口感幾特別，薄薄一層，但係都有q彈口感，超級入味。跟餐要左個芒果綠茶，冇過甜。另外要左一個自選嘅小鍋米線，入面本來就有腐皮，螺旋藻，木耳絲，滷腩條。然後我加左腐竹，莞茜，手打墨魚滑同清湯牛腩。牛腩好軟滑，然後芫茜係預先浸過，好有誠意，手打墨魚滑都相當彈牙。然後我地追加左個爆漿紅糖慈粑，質素又喺內地食嘅一樣，勁酥脆，入面真係留心，超好食。杯熱菊花薑蜜都好soothing。 朋友點嘅蔥油柚蜜叉燒煎蛋飯超級大份，太陽蛋個樣好吸引！另外一提就係我好鍾意呢到個音樂playlist！