明記甜品 (已結業)

飯後想揾有熱既糖水供應既糖水店，於是不假思索就走入明記甜品舖，由於我倆想食較傳統既甜品，就點了蛋白生磨杏仁茶同薑汁湯丸。試左一口杏仁茶，我倆都不得不讚，蛋白白滑，杏仁茶味香濃且不油膩，外邊部分甜品舖既杏仁茶頗為油膩，所以對於我來說是非常合適，不知不覺已將整碗糖水送到肚內。薑汁湯丸內既糖水有濃郁既薑汁味，辣度適中，配以6粒圓圓又煙韌既湯丸，為晚上既約會寫上完美既句號。另要值得一提為店內既侍應，頗有禮貌。