No Money So Lonely

营业中

休息中

餐廳逆市開業。貫徹同系餐廳作風成個環境感覺好colorful同playful。睇睇個menu。d菜名好過癮。。😆係一間好得意嘅fusion菜餐廳。肉食者沙律。有唔同肉類揀。揀咗燒八爪魚。八爪魚好軟綿容易咬。下面仲放咗啲墨魚汁增加鮮味。沙律有菜藍莓同紅桑莓。用咗果味醋汁幾開胃。貧窮是寂寞拼盤。有薯條/冬陰功炸飯波/腐皮扎肉/秋葵蝦。薯條有薯仔同蕃薯。秋葵蝦顛覆咗對秋葵嘅觀感。冬陰功炸飯波微辣外脆內軟。腐皮扎肉好香口。熱辣辣又大堆頭。好岩開心share。啖啖蟹肉擔擔飯。飯入面有菇同芝士。飯邊就放左蟹肉同蟹籽。睇英文就知係四川擔擔味。整體味道好特別。相對食落冇乜蟹味。但辣辣地好惹味。