金記冰室 (康怡廣場北座) (已結業)

就嚟過年，仲未辦年貨，所以趁住今日星期日同老婆去康怡廣場度掃貨，搞掂咗賀年禮品後，就落去地下嘅〈金記茶冰室〉度食嘢。呢度地方都算坐得幾舒服，我最鍾意嘅係佢哋嘅餐牌設計，整到好似日曆噉好得意。我點咗一個鮮茄濃汁焗豬扒飯 再加一杯凍鴛鴦，呢個飯鲜茄汁味道好濃郁，啲飯又焗得好啦，豬扒肉質都幾彈牙，正！老婆就叫做一個咖喱魚柳飯，因為佢鍾意食架喱，佢話呢度啲咖喱汁好濃郁好香好好味，羅宋湯又好有牛肉味。