鼎王麻辣鍋 (金巴利道) (已結業)

90分鐘真心唔夠時間食，食到最後半個鐘提下你last order, 15分鐘又提下你夠鐘同埋單，最後夠鐘成日吹你走，仲叫你打包走，真係食得好有壓力同不爽，佢又有最低消費$200一個人，最後我哋4個人埋單$2100。重點4人鍋好細個鍋（只合2人用），跟湯內也有好多料，想放多啲野食食快啲都冇可能，90分鐘真係點夠時間食，去過一次都唔會再去啦！ 係趕客囉！你哋啲台灣佬當香港人傻架！冇下次囉！我哋一家由屯門老遠出去尖沙咀食，仲要唔平，食火鍋又熱又辣，係趕急情況下真係食好辛苦，諗住好好享受啦！最後唔係享受係折磨囉！ 真係慘過去大排檔食。我要提醒想去這裏食嘅朋友，只得90分鐘，要食得快同不可以講嘢先好去。打邊爐嘅醬油不合香港人口味，所以可以不用取來點野食了。