狀元樓 (已結業)

屋企做節通常揀中菜，今次就揀左狀元樓，一早book左枱，唔洗等就入得去。梅菜心蒸時蔬（我唸基本上都會係菜心，餐牌相都係）好特別，我地第一次見呢味菜，隔離兩枱都有叫到。奇味脆炸豬手 自己覺得比起德國餐廳既好食，皮脆肉多，點埋個蜜糖芥末醬食仲正！狀元樓炒飯普通炒飯，夠乾身。姜蔥霸王雞好香雞味，都算滑嫩 。秘製牛肋條上菜時間比較長，食一啖就知值得等。好軟身唔痴牙，侍應話先慢煮左幾個鐘，之後再煮，所以時間比較耐。