漢陽苑韓國料理 (已結業)

真係不知所謂，又話宵夜時段由11:00-12:30，點知原來搵笨，一入去就話食到12:00，我問個waiter唔係食到12:30咩，門口係咁寫架喎，咁佢就話係，D Waiter 好似趕客咁款，不過唸住算啦，橫直肚餓，就坐低啦。點知食到11:30，個waiter就崔埋單，唉！都算啦，點都唸唔到收左錢11:35到就話：「仲食唔食，我地收野架啦！」真係連隻雞翼都未燒熟就話收野，真係唔知點，咪拿拿林走去0羅哂D野佢，同埋甜品，點知個阿姐好似同我鬥快咁，搶全黎收，都未試過食自助餐食到打仗咁，真係慘，咁都未算，D野食難食到嘔，D菜又凍，D三文魚好似擺左十世咁，變左乾屍，D西瓜呢，同街市dump個D有得揮，以為D野飲好D，點知果杯蜜桃汁難飲到，唔知咩味，怪怪地，總之就好鬼難飲，11:55 D waiter 執哂包伏，門口度閘落左一半，眼超超咁啤住我，尷尬到呢，唉，今次食呢餐可謂慘到盡，好似乞食咁，話哂都58蚊架，咁既服務，咁既質素，認真唔惦，奉勸大家千祈唔好去。