星林居雲南米線餐廳 (已結業)

從前覺得星林居食物味道好，價錢合理，所以即使服務態度差，我地都忍，每個月起碼幫襯一兩次，都幫襯左好多年。但係，只不過係一個月無黎，點解突然一加價加三四成? 對住張點菜紙，忍唔住「吓?」左出聲，實在圈唔落手。雖然食物價格上漲，但未至於咁誇張啩?雲南過橋米線本來$4X，而家加到$61。無錯係$61，睇到眼到突埋。淨雲吞由$28加到$37，都係得果六粒；自選米線，淨係個米線底都$24，配菜加到每款$6至$12，即係普普通通食個魚蛋冬菇米線加罐汽水，都要四五十蚊落樓。雖然話味道唔錯，但真係唔值呢個價。不得不提，收得人咁貴，服務態度卻毫無改善。尤其個妹妹仔侍應，依舊黑口黑面呼喝客人，問多兩句都發脾氣。咁既態度都做到咁耐，應該係老闆女?最後一次。以後唔會再幫襯。