新一天粉麵 (已結業)

睇餐牌，蔥油豬扒飯同梅菜扣肉飯都想食，咁就一人叫一個。兩個飯賣相都靚，最窩心係豬扒飯啲菜心係切段上，方便食，大讚。出街食飯咬唔開條菜，有時真係超尷尬。飯，水份剛好，粒粒分明，份量夠飽；豬扒大大塊，醃得入味，仲係最喜歡的連骨扒，可惜肉質硬喔。嗰飯冇咩汁，靠蔥油變濕潤，呢個時候撈啲梅菜扣肉落去就啱晒。

甜梅菜入口無沙，扣肉少肥多瘦，夠腍夠味，碟底冇一氹油，仲有青菜，係健康版扣肉飯；白飯用碗上，比碟頭豬扒飯的飯熱啲。 扣肉餐有兩票，贏。