影片
更多
2010-02-03
180 浏览
原來係openrice叫裕滿人家，如果係我去之前search到交通廣場呢間元朗人家的食評，見到下邊2位的食評，牛年團年飯就唔駛成為我認為牛年最差的一餐節日飯。訂枱個陣，介紹左個全包宴，$1688一席，$888半席。因為我們人數唔夠二席，所以訂左一席(大枱)和半席(細枱)。去到，佢地自作主張，分左2張8人枱，由說我地每枱叫半席，加$18片皮鴨一食就夠食。算啦，唯有接受，我睇返隔離枱是大枱，我估計佢地係將大枱比左其他客人，不滿由呢一刻開始左，感覺呢間酒樓辦事，係由方便佢地酒樓出發點做決定，完全唔駛問下客人鍾唔鍾意。第一道菜，乳豬，不過不失，皮有幾件脆，有幾件唔脆。第二道菜，上湯龍蝦球衣底，上枱己經有D奇怪，龍蝦點解會一D殼都冇，未食之前心諗，唔通佢咁細心起晒D殼，淨係比肉咁正。屋企人食完，話係蝦黎架，唔係龍蝦。大家試完，每一個都只食到蝦味。同埋個型狀都似蝦球，每一隻都係差唔多型。同個侍應講，佢話係龍蝦，淡水龍蝦，吹脹，當我地未食過龍蝦呀，就算波士頓或者本地龍都唔會呢D肉質同味道啦。唉! 張菜單晨早寫明蝦球麵就冇問題，而家分明係呃人。仲有腰果珍珠帶蚌片，嘩，個D蚌，爭D咬唔開，合埋眼以為食緊
訂枱個陣，介紹左個全包宴，$1688一席，$888半席。因為我們人數唔夠二席，所以訂左一席(大枱)和半席(細枱)。去到，佢地自作主張，分左2張8人枱，由說我地每枱叫半席，加$18片皮鴨一食就夠食。算啦，唯有接受，我睇返隔離枱是大枱，我估計佢地係將大枱比左其他客人，不滿由呢一刻開始左，感覺呢間酒樓辦事，係由方便佢地酒樓出發點做決定，完全唔駛問下客人鍾唔鍾意。
第一道菜，乳豬，不過不失，皮有幾件脆，有幾件唔脆。
第二道菜，上湯龍蝦球衣底，上枱己經有D奇怪，龍蝦點解會一D殼都冇，未食之前心諗，唔通佢咁細心起晒D殼，淨係比肉咁正。屋企人食完，話係蝦黎架，唔係龍蝦。大家試完，每一個都只食到蝦味。同埋個型狀都似蝦球，每一隻都係差唔多型。同個侍應講，佢話係龍蝦，淡水龍蝦，吹脹，當我地未食過龍蝦呀，就算波士頓或者本地龍都唔會呢D肉質同味道啦。唉! 張菜單晨早寫明蝦球麵就冇問題，而家分明係呃人。
仲有腰果珍珠帶蚌片，嘩，個D蚌，爭D咬唔開，合埋眼以為食緊橡根。
清蒸大海石班，幾滑，火喉都剛好，豉油汁都幾好味，但8個人食唔夠分呢，太細條，叫石斑仔較為合適。
其他個D都唔詳細講，都只係一般水平或以下素質，份量都好細，食到個個都唔敢起筷咁。
壽桃飽，咬左幾啖先食到D蓮蓉，不如送饅頭仲慳皮。
上菜初期，趕到不得了，根本張枱都放唔到D餸菜，跟住後來等隻一品雞又等左幾個字喎。
大家岩岩停晒筷子之後，侍應走埋黎問，介唔介意執左D野，冇問題。
執完野，冇幾耐，又走埋黎問，介唔介意埋埋張單呀，唉，算啦，咁趕客，都冇心機坐落去，此地都不宜久留。己經提前2星期做團年，如果臨近正日日子，真係好難想像呢間酒樓服務會變成點。唔會有下次再黎呢間酒樓。未能盡慶而歸的團年飯。最後，亦都慶幸只係食左2枱半席，而唔係原來的1席半，花費係呢間酒樓根本唔值得。
寫食評一向手鬆，好少彈得咁盡。呢間都算數一數二，由尾數上第一名。暫時係食過元朗最差的酒樓，食物只係水平以下，服務+呃人，分數低到唔想比。差中之極品
。最後發覺左openrice最底係比1分，想比0分都唔得tim。
张贴
