加拿大餐廳 (已結業)

以前覺得呢間係好野, 早幾個月黎都仲叫okay, 依家真係唔掂!星期六黎食lunch set, 羅宋湯okay, keep 倒水準, 但之後就係噩夢開始...兩個人點係日式豬頸肉同西冷扒飯, 一黎兩個飯同菜已經係涷(熱食物係基本要求, 雖然有一個係日式, 但係我唔係冷盤喎!), 豬頸肉仲要幾舊燒, 西冷扒就非常多根, 完全不能接受. 結果叫個侍應黎, 佢好唔願意咁同我地入廚房返熱d 食物.食物固之然唔掂, 侍應態度同行為更令人驚訝...1) 一大排阿姐個個黑口黑面, 俾晒面色d 客睇, 勁! 要搵劉華教先得2) 上菜""一聲炸碟野上你面, 唔知佢想點3) 食食無啦啦"散"十幾枝牙籤係你面中心就走人, 佢expect d 客"幫佢" fill 落牙籤筒?4) 食食又再拋張tea set menu 面, 又要我幫佢插起佢?最後好飽, 因為一肚氣, 俾錢時同老闆娘投訴, 佢態度散漫咁回應兩句:"係呀!? um...", 我都廢時理佢, 睇佢做到幾耐.p.s. 同一時段, 我地隔離都有個男士食都火晒, 係咩事我就聽唔倒, 但咁質素, 就算多幾個客反, 我都唔會覺得出奇.