越味皇 (已結業)

東南亞嘢食平時都係鍾意食泰國嘢，今次朋友想食下越南野，就陪佢。一般越南野既印象都係生牛肉河，但今次睇完menu想試下唔同野，所以沙律串燒、雞，咩都試下。第一味個柚子鮮蝦沙律真係幾impressive，唔算好starchy，柚子好鮮，每一下咬都係好爽唔飽肚，好開胃，佢有少少醋味令成碟菜好開胃，a very good starter. 第二個想講係佢個串燒，我地叫左牛雞雙併，佢唔會燒得太乾，雞外面脆入面都仲鮮嫩，牛本身應該醃好左，有少少醬醋味。唔錯。跟住佢個椒鹽軟殻蟹都ok，炸野點都熱氣，但佢咬落去成隻都好清爽冇渣咁，調味都唔錯，帶小咖哩味唔會太咸。都想提佢個燒雞，出面有少少鞋有小失望，點知入面有驚喜，雞做到好鮮嫩，滑口，正！佢價錢算正常，雖然空間唔係太大，但overall我都會推介！