影片
更多
2020-09-11
716 浏览
終於開返晚市堂食，我真係餓左好耐。但唔想走太遠，所以約左喺炮台山返工既friend。餐廳位置有d隱蔽，不過幾易搵，感覺係平時附近打工仔的飯堂；鋪面有3-4張枱，食物價錢同區黎講係幾抵食。麻辣手撕雞冷麵 $40唔係好食到辣既我叫左麻辣手撕雞冷麵，原因係我真係好中意食手撕雞同冷麵。冷麵用上蕎麥麵，微涼的麵條質感有咬口，手撕雞份量不少，唔鞋口。配菜有青瓜絲、車厘茄、粟米粒，青瓜絲口感爽脆，有少少解辣作用。淨係聞已經有麻香，麻辣味越食越出，先辣後麻，雖然好惹味，但食開BB辣既我最後食唔曬，嗜辣之人一定要試下。特色椰香海南雞髀飯 $48海南雞色澤金黃有油香，雞皮薄，特登揀左雞髀肉，貪佢夠滑口。旁邊醬汁甜甜地帶點小辣，唔會過份搶味。平時食開油飯或者黃薑飯，呢度用上椰香飯，米飯有嚼口，亦有陣陣椰香，加埋配菜青木瓜沙律，配搭一流。粉葛赤小豆茨實煲豬展湯 (跟餐$18)好似每星期都會轉湯，中意飲湯既我點都要試下，呢杯得湯水無湯渣，我覺得味道不錯，健康又解辣。蒜泥白肉 (跟餐$22)超級多蒜，蒜香重不過唔辣，五花肉煙韌而且唔會太肥。麻辣雞腎 (跟餐$18)醬汁同冷麵嗰款應該一樣，雞腎薄切，質地有d似雞腎乾
麻辣手撕雞冷麵 $40
唔係好食到辣既我叫左麻辣手撕雞冷麵，原因係我真係好中意食手撕雞同冷麵。冷麵用上蕎麥麵，微涼的麵條質感有咬口，手撕雞份量不少，唔鞋口。配菜有青瓜絲、車厘茄、粟米粒，青瓜絲口感爽脆，有少少解辣作用。
淨係聞已經有麻香，麻辣味越食越出，先辣後麻，雖然好惹味，但食開BB辣既我最後食唔曬，嗜辣之人一定要試下。
特色椰香海南雞髀飯 $48
海南雞色澤金黃有油香，雞皮薄，特登揀左雞髀肉，貪佢夠滑口。旁邊醬汁甜甜地帶點小辣，唔會過份搶味。平時食開油飯或者黃薑飯，呢度用上椰香飯，米飯有嚼口，亦有陣陣椰香，加埋配菜青木瓜沙律，配搭一流。
粉葛赤小豆茨實煲豬展湯 (跟餐$18)
好似每星期都會轉湯，中意飲湯既我點都要試下，呢杯得湯水無湯渣，我覺得味道不錯，健康又解辣。
蒜泥白肉 (跟餐$22)
超級多蒜，蒜香重不過唔辣，五花肉煙韌而且唔會太肥。
麻辣雞腎 (跟餐$18)
醬汁同冷麵嗰款應該一樣，雞腎薄切，質地有d似雞腎乾，頗有嚼勁。
张贴
