影片
更多
2013-11-04
531 浏览
今日同老公去左美孚拎返d團購左既物品比表妹及表弟。去到都差唔多1點，大家都未食lunch，當然要去醫下肚，就揀左間幾近地鐵站既小越南食啦！一入店內就比店入面既吊扇吸引左，好古董咁，哈！店內格局就四四方方，唔係話太大，畢竟做街坊生意呢！但勝在以白色為主，夠光猛！餐牌都幾多分類選擇！侍應都好快拎左水比我地，至少唔洗客人叫先拎囉，同埋亦都問我地要唔要呢度既招牌牛油雞翼，因為即整需時架，咁聽到招牌野就梗係ORDER左先啦！果然識做生意，主動推介提醒客人，醒目！D野食都幾快到，我地叫左1碗豬頸肉撈檬粉─當然要加”碌冧”汁啦！豬頸肉好爽腍；成碗檬粉加上青瓜絲、白紅蘿蔔絲，令到食落去好fresh呢！另叫多左1碗咖哩牛腩河share食─咖哩湯底甜中帶微辣，岩食對受辣唔同程度既我地，太好啦！牛腩、牛筋炆得夠腍，唔會“韌吱吱”；還有薯仔同蘿蔔，2樣材料都唔會生水，一樣好腍，河粉量都好多喔！抵呀！仲叫左3樣小食─豬肉米紙卷，侍應提我地係點”碌冧”汁食既，米紙夾有豬肉粒、生菜、檬粉、青瓜絲，一口食落係好爽脆，好清新，好健康既小食之選！隔左陣再食都依然爽脆！招牌牛油雞翼─果然冇介紹錯，真係好好食！有蒜蓉加上牛油
一入店內就比店入面既吊扇吸引左，好古董咁，哈！店內格局就四四方方，唔係話太大，畢竟做街坊生意呢！但勝在以白色為主，夠光猛！餐牌都幾多分類選擇！
侍應都好快拎左水比我地，至少唔洗客人叫先拎囉，同埋亦都問我地要唔要呢度既招牌牛油雞翼，因為即整需時架，咁聽到招牌野就梗係ORDER左先啦！果然識做生意，主動推介提醒客人，醒目！D野食都幾快到，我地叫左1碗豬頸肉撈檬粉─當然要加”碌冧”汁啦！豬頸肉好爽腍；成碗檬粉加上青瓜絲、白紅蘿蔔絲，令到食落去好fresh呢！
另叫多左1碗咖哩牛腩河share食─咖哩湯底甜中帶微辣，岩食對受辣唔同程度既我地，太好啦！牛腩、牛筋炆得夠腍，唔會“韌吱吱”；還有薯仔同蘿蔔，2樣材料都唔會生水，一樣好腍，河粉量都好多喔！抵呀！
仲叫左3樣小食─豬肉米紙卷，侍應提我地係點”碌冧”汁食既，米紙夾有豬肉粒、生菜、檬粉、青瓜絲，一口食落係好爽脆，好清新，好健康既小食之選！隔左陣再食都依然爽脆！招牌牛油雞翼─果然冇介紹錯，真係好好食！有蒜蓉加上牛油既香味，唔會話太油膩或太咸！雞皮炸得香脆，連我平時唔食雞皮都決定要一併食，而且雞翼夠大隻，好有肉，一碟有5隻既，趁佢地唔為意我係食多左隻架，呵呵！無計啦，真係越食越好味嘛！
最後既小食係小食拼盤─扎肉好爽嫩、蝦餅配上甜酸既醬，一流、春卷炸得香脆，餡料醃得夠味；肴肉夠腍；白鳳瓜冇骨既，唔洗一度食一度 “lur”骨，所以整體係yummy so much！
4個人就梗係4杯飲品啦：
青檸梳打係我既，唔知點解一見到餐牌有呢個飲品，我就一定叫，就係LIKE充滿氣又有青檸既甘香甜，而呢杯都做到，GOOD！表妹叫左珍多冰，佢話好飲，甜而不漏的椰香味；
表弟就叫左三色冰，佢話好正囉，又有一條條 “煙煙韌韌”既蒟蒻、又有紅豆、又有好似馬豆糕內的黃色馬豆，飲得又食得，哈！
老公就要左凍滴漏咖啡，佢話好好飲，入口唔會得個苦字，而且好似讀書時期好like食果隻四洲咖啡糖既味道喎，佢飲得好滿足囉！
Extra：附上滴漏咖啡的連環圖先，keke
题外话/补充资料：
嘩！唔多覺寫左咁長，冇計啦因為呢間越南小店真係唔差，侍應態度以至食物對家坊生意來講都算做得好好啦！價錢大約30-70多元啦，都有做lunch 、tea、dinner set，而家通脹之下都ok啦！最重要真係越食越好味呢！哈~~
(以上食记乃用户个人意见 , 并不代表OpenRice之观点。)
张贴
