愛上米線 (漆咸道南) (已結業)

之前已經試過呢間愛上米線嘅外賣🙈咁啱近期經過尖沙咀 見到佢哋已經換咗全新嘅餐牌 加咗我最鍾意嘅魚腐同黃沙雞翼等😍 而且友人又系超級鍾意食米線 所以就帶咗佢哋試吓！餐廳主打本地口味既米線 仲可以搭配自己鍾意食嘅餸 味道亦都岩晒港人既口味👍🏻 而且大食既朋友可以免費添加米線/飯😋🍚招牌脆炸蛋肉沫拌飯呢款我每次過嚟都會必叫 份量好足！炸蛋外面脆卜卜 裏面嘅蛋黃係流心 撈埋肉沫 食落口唔會好乾 加上佢哋嘅米飯用咗珍珠米 飯粒粒粒分明！惹味開胃 平時好少食飯嘅我都會食得晒！當然一定要叫小食 叫咗個大澳風味嘅雞翼 講到大澳風味一定係蝦醬 味道好香 比較鹹 不過好惹味！🐥香噴噴奶黃金沙脆雞翼/咪走雞咁鍾意食黃金系列嘅我 見到佢哋出咗新嘅鹹蛋黃系列💓真係要即刻叫先！上枱熱辣辣 鹹蛋黃味好出 一咬落去 啲油必晒出泥 真係好邪惡好肥啊 雞翼好嫩滑 大大隻🙌🏻我個人來講超級推薦 鍾意鹹蛋黃嘅千祈唔可以錯過！🐟櫻花蝦魚腐串見到佢哋出咗新產品 又係我鍾意食嘅魚腐 即刻跳咗一串 魚腐唔會好腥 櫻花蝦味好突出 上枱嗰陣熱辣辣 咬落好軟淋👍🏻