芽莊越式料理 (海港城)

营业中

休息中

海港城裡邊嘅一間店，生意非常好，成日要等位，窗外就係維多利亞港，風景好靚，但係前提係妳坐得到窗邊嘅檯。兩個人嘅dinner，不可隨便，但係都冇食太飽，所以隻係叫咗一份生牛河，強烈推薦，一上檯就聞到濃濃嘅香味，上面有D檸檬味，湯裡邊冇乜幼，望落好清淡咁，不過湯好鮮甜，絕對唔會清淡啊！擠D配嘅檸檬汁落去，鮮味升級吖！牛肉好嫩好甜好滑，一d都唔會喍，睇來今次冇點錯嘢！配來仲有几圈辣椒圈，不過唔食得辣嘅人建議冇放，因為真係好辣！香茅豬肉卷，香茅味好正，豬肉太入味過頭，不過好香。春卷麻麻地，有D硬。魚餅外焦里嫩好食，最厲害嘅係青檸薄荷梳打水，好香好提神，一啖落肚，成個人都醒曬！