越味皇 (已結業)

荃灣覓食識揀路德圍會係個好選擇，適逢夏夜焗熱嘅天氣最好都係酸酸辣辣嘅泰菜或越菜，今晚就係越味皇。7點半鐘餐廳已有9成入座率，幸好我們就係最後一張空枱，唔駛等天花以越南草帽裝飾特有風味。嚴熱中點左杯滋補熱眼冰，一解渴意而另一杯係椰汁珍多冰原個椰青，將體温降低後可以進入點餐越式炸蝦餅---同泰式略有分別，口感無咁實身，彈牙口感，配上開胃嘅自製醃酸菜減去多餘嘅油膩。越式燒牛柳沙律，有啲不似預期，青瓜切得過於大件，失去沙律嘅輕食感，同牛柳配上有點圈賓奪主。牛油蒜蓉雞翼---呢個好好外皮香脆內裏保留肉汁，再加上牛油蒜香真係唔錯。咖哩牛腩煲配蒜蓉包---咖哩唔算太辣,creamy蒜蓉包點汁惹味，而牛腩亦炆得夠霖，九層塔為咖哩帶出另類嘅香味。越式椒鹽軟殼蟹，椒鹽味唔算重，但炸得酥脆滴上青檸汁值得一試。