越旺美食 (已結業)

是晚到了大角咀和親戚們食晚飯，佢地帶我去到樓下的越旺美食。胡亂點了幾個小菜，想不到味道著實有驚喜！豉椒炒蟶子份量頗多，蟶子肥美而且無沙，食落好爽脆又鮮甜。馬來奶油蝦有7隻大蝦，蝦已經預先炸過，所以多了份香口。奶油的奶感很重，好creamy，再加入了金不換等香料，很有馬來風味！越式豬頸肉肥美又爽脆，一定要點秘製的酸辣汁，好開胃！馬拉盞炒通菜菜嫩醬香，平常的配搭，但食唔厭的味道。咖喱牛腩配薄餅牛腩份量很多，炆得好嫩腍。咖喱汁好濃郁，點煙韌香口的薄餅，已經好好食！喇沙海鮮河好足料的一碗喇沙，椰奶味好香，鮮蝦、螄蚶、魷魚、豆卜、蝦米、魚片頭，加上兩溝的摻摻，吸盡喇沙精華！珍多冰椰汁綠豆冰飲品亦都好足料，重點是甜度不太甜。我哋就係驚太甜，所以要了少甜，所以味道偏淡。原來正常甜度，就剛剛好！這是一間街坊食店，好多都係街坊食客，價錢唔貴，味道有質素，仲有好多實惠晚市套餐，難怪親戚們一星期嚟幾次。