越式阿肥美食 (已結業)

呢度門面不什光鮮，只可以放得幾張枱，坐係樓梯邊好怕會碌左落去！不過由細食到大，而且亦係慈雲山區唯一既越式餐館，所以間中都會去食下。食客通常都會叫撈檬，今次我揀左食三寶飯。三寶即是香茅豬扒，雞翼同扎肉，配葱蒜同豉油汁，豬扒新鮮炸，香而唔靱，雞翼扎肉冇乜特別。啲餸係稍鹹左啲，但啲飯可以中和返，唔會有乾硬既感覺！簡簡單單一餐就係咁啦，仲包埋野飲添！