越大哥 (中興新街) (已結業)

長洲除佐有大魚蛋，仲有越南菜，茶餐廳裝修，但又坐得幾舒服，幾開揚。越式無骨鳳爪做前菜就岩晒啦，酸酸辣辣，雞腳好軟，亦都幾爽脆，又有啲紅白蘿蔔絲，口感幾好，食落好開胃，唔會太辣😊香茅串燒雞小小地份量好適中，三串既串燒，其實都係雞翼串埋做串燒，雞皮燒到好脆，雞肉好嫩，最重要係無骨，啖啖肉，好惹味😁另一個前菜越大哥牛柳沙律配蒜蓉包都好正，牛柳好嫩，有啲青木瓜絲，蕃茄仔，菜絲，蒜蓉包就焗得好脆，夾住啲沙律食就最正啦😗最後試埋招牌海鮮肉丸鮮茄蟹湯檬，湯底飲到香濃既海鮮鮮味，真係用海鮮煮出黎，配料亦有好大隻鮮蝦，好彈牙，肉丸係豬肉丸，肉質幾軟腍又幾香，幾有咬口，一碗兩個share黎食都夠，非常唔錯呀😋