越大哥 (中興新街) (已結業)

長洲呢間越大哥真係無黎錯，係門口就被落地玻璃吸引住，坐得又舒服！越式無骨鳳爪真係前菜首選，無骨鳳爪都幾大隻，而且好入味，酸酸辣辣，一路食一路就覺得好開胃，鳳爪好爽，脆脆地，口感好好，加埋少少菜就仲清新！串燒我地就叫曬香茅串燒雞同香茅串燒牛，兩款都好重香茅味，雞肉其實係原隻拆骨雞翼，好大隻，亦都好厚肉，完全係皮脆肉嫩，燒得好好，牛肉亦都唔會燒到乾爭爭，仲有啲肉汁，牛肉都幾腍，口感真係好好！主食叫佐咖喱牛腩飯，咖哩汁好香，唔會淨係得辣味，有啲椰香，牛腩炆得好腍，好嫩，有啲筋位有啲咬口，薯仔都炆到好軟綿綿，起沙咁，送飯真係一流！食完啲燥熱野飲番杯桂圓茶就岩啦，好滋潤，甜甜地，冰冰凍凍夏天飲就岩晒，柱園又清甜！