新南苑私房菜火鍋鷄煲 (華僑商業中心) (已搬遷) 新店位置

为庆祝本大少病完，今日要食鸡煲大拆一餐！新南苑口卑不嬲唔错，决定一试。九点去到，好满座，不过等左五分钟就有得入座。一坐底已经有前菜等候住，怕饿亲客仔。花生脆口够香。椒泡鸡脚好好味！少少辣，但皮又爽得黎唔会好难咬开。四季豆则过辣。汤底五款可选，决定要个特别d既滋补野生水鱼汤底。汤底系药膳汤底，红枣杞子玉竹元肉等等，另外水鱼原只上。海鲜拼盘有鲍鱼，蛏子，带子片，虾，蚝，魭鱼片，斑片同甲壳类。蛏子同贝壳都好大只，好惊喜，非常鲜甜，不过有少许沙。带子如果系原只唔系片会更好，而家太薄同雪得太实，好难掌握点先熟而唔会过老。鲍鱼渌五分钟已经够念，太耐会咬唔入咖！这是虾。蚝好大只，熟左都咁大lol斑片有晶莹既皮，系我既最爱，虽然系任叫项目上面，不过九点半就已售罄... 我坐底半个钟咋，冇得encore TT魭鱼片渌十秒好拎返上黎，唔系就太老咖啦！果然系脆魭！平均而充分既鱼脂分布令鱼片香而爽口，加上厚切双飞，非常有口感。上等手切牛颈脊，只有一碟，可加$30再叫。其实都抵叫！牛肉脂肪唔高，但食落口都非常嫩滑而且充满牛香！好多颜色既丸类，但其实食完只水鱼已经饱左一半，再食埋海鲜拼盘已经饱到上心口，只能浅尝。