越蘆越南牛肉粉 (已結業)

平日最鍾意食越南菜，今日就嚟到上環呢一間越蘆越南牛肉粉開餐。雖然聽落去鋪頭名好似平平無奇，估唔到內有乾坤，除咗常見既越南粉之外，仲有越式嘅海鮮可以嗌。我最鍾意一定係呢隻河內香茅燒春雞。雞肉份量十足，啖啖肉，咬落去唔會乾爭爭，有肉汁，香茅味濃郁。而我朋友就最鍾意香茅鹽焗燒魚，與被一層厚厚嘅鹽所包圍，撥開鹽層，就係鮮香既魚肉。魚肉口感嫩滑，有淡淡的鹹味，鹽既咸味係啱啱好，為條魚帶來更豐富嘅味道層次之餘，又唔會蓋過魚原本嘅鮮味。最後我哋食咗海防烤原條魷魚，個醬汁幾惹味！總結嚟講，食物充滿特色同濃厚越南風味，海鮮夠新鮮。下次有機會去上環，都可以再食！