越南軒 (已結業)

早幾日同朋友去大角咀新開嘅越南軒食晚飯. 環境- 普通茶餐廳FEEL. 但係D 嘢食都唔錯幾好, 有少少驚喜, 而且價錢都好合理. 以下係我嘅心水推介- 酒香魚露雞 (聽講呢道菜式係參加咗咩新城厨神戰爭霸戰嘅菜式, 果然好味, 本人比較怕食唔熟GA雞, 但係佢就剛剛熟透, 又唔'鞋')- 咖哩牛腩 (有D辣, 但係辣得來好香口同埋越食越想食嘅感覺. 咖哩真係好香配埋法包yummy, 如你LIKE食咖哩,這是不錯的選擇.)- 香矛豬朳 (也是必食, 豬朳香得來有肉汁又夠稔及唔會'鞋', 夠香口, 幾好味)- 越式小拼盆 (係迷你D, 但係串燒都唔錯)要提一提的是飲品, 我ORDER咗椰汁珍多冰, 真係好好味, 椰汁味夠香濃. 可能你會覺得都係椰汁姐有咩咁特別? 但係我覺得佢特別在足料.