點咗兩個前菜同兩個主食，食哂都唔膩！
鮮蝦米紙卷 - 好大碌，又好足料。有大大隻鮮蝦、菜、紅蘿蔔同米粉，點埋個秘製醋好開胃。
酸辣無骨鳳爪 - 開胃首選，好入味，無骨鳳爪真係必食！底下有好多配菜，全部都可以食埋，抵食！
濱海伴香茅豬扒 - 最鍾意食濱海，將菜包埋肉同米粉點醋一齊食係最正！呢度嘅濱海係一塊塊，我出面食開係散的，反而一塊塊會食得方便啲，唔會散收收。
肉碎生菜包 - 好大碟，生菜份量都好多。肉碎辣辣地好啱夾埋生菜食。食完都好飽，好滿足。
食東南亞野必飲青檸梳打，呢度仲要係成罐梳打俾你倒，抵飲！
