西貢越南真味 (已結業)

呢排交通唔方便，夜晚食飯都唔敢去太遠，今晚近近哋去咗砲台山食越南菜。餐廳位於電氣道，如果唔係朋友介紹 啦，都唔知道呢度有間越南餐廳。牆壁都是透明玻璃，有點似溫室，雖然環境唔算好寬敞，但因為望到街景，所以冇局促嘅感覺。餐廳最出名係食牛肉河粉，我哋叫咗真味特別牛肉湯河。但係河粉咁啱賣曬，就轉咗檬粉，變左真味特別牛肉湯檬。好大碗，入邊有牛肉片，牛腩，牛肚，牛丸等等，十分豐富。牛肉片好冧嫩滑，好好食。 另外叫咗個雞絲湯檬畀同行小朋友，她超鍾意食，湯底濃郁，檬粉索曬味，老闆果然冇介紹錯。小食拼盤好豐富，有春卷，蝦餅，粉卷同雞翼，最鍾意春卷，脆卜卜。另外叫咗炸豬扒檬粉，分量好足，大大碗好飽肚，再加個雞扒飯滿足曬。飲品最最鍾意香芒椰奶，有東南亞風情，好香甜。