新大壽日本料理店 (已結業)

我和同事們久唔久都會上去食一次午餐，回想起4年前這兒的雜錦魚生飯係好好食，唔知道是否生意唔好最近佢地先加價，再話做優惠給食客，還記得上年還是48元一個，今年就58元一個，星期5就有優惠平十元，但係以前有原隻甜蝦，現在只給你熟蝦，還有飯就越來越少，要求他們多少少飯就要加十元，還要雜錦魚生飯無吞拿魚，以前有的魚生都轉了，今天食佢得半塊帶子和一細塊劍魚+3塊三文魚和好少量的魚子，真係CHEAP 到爆。服務態度已經唔好還收咁貴價錢，我諗去食壽司無咁嬲，老實講以前真係幾好，有吞拿魚有一塊帶子又有其他魚生，現在居然用埋蟹柳當魚生，我好記得我同事SL 認唔住大聲講係超級市場個d 唔知係唔係真既蟹柳，做到咁cheap，好心佢個價錢就平返d，又無服務(食左約一個鐘先加得一次水)，我地black list 佢。我地有同事問過點解無甜蝦，佢地話留返晚上用，咁cheap 真係無野講。