影片
更多
2023-10-31
1290 浏览
今日步行日，行路多过坐，晚餐就想喺chill d 嘅地方食，坐吓、唞吓、倾吓计。㩒完钱就发觉呢度有间新餐厅，睇相好似几唔错，就决定喺度食，唔洗再行啦！行入餐厅一刻已经觉得无拣错地方，灯光柔和、环境宽敞舒适、有不同间隔，大班朋友聚餐，或二人世界都适合。可能行得太多，至在饮嘢倾计，多过食嘢，问左侍应可以坐吧枱，太开心，可以背向其他客人，只顾盼眼前七彩缤纷嘅美酒，感觉更加Chill。喺琳琅满目嘅美酒前，同Bartender 倾左两句，佢介绍左两杯靓靓美酒俾我地。Berry well($118)主要系白酒，mixed berries 等。甜甜地，十分易入口，味道fruity，入口少少creamy，加埋少少花香，呢杯真系好啱女仔饮。Smokey Passion ($108) 仪式感极重，啱晒打卡。呢杯唔只系味觉嘅享受，上枱时，Bartender 会在旁洒上香气，所以会有一刻有一阵阵嘅香气烟雾。入口同样感觉fruity，不过可能因为有passionfruit，所以多一份 fresh嘅感觉。 食物我地拣左椰菜花烟熏芝士意大利饭($178)，劲钟意呢个饭，有意大利饭软糯黏稠嘅口感，但又唔会觉得好滞，
㩒完钱就发觉呢度有间新餐厅，睇相好似几唔错，就决定喺度食，唔洗再行啦！
行入餐厅一刻已经觉得无拣错地方，灯光柔和、环境宽敞舒适、有不同间隔，大班朋友聚餐，或二人世界都适合。
可能行得太多，至在饮嘢倾计，多过食嘢，问左侍应可以坐吧枱，太开心，可以背向其他客人，只顾盼眼前七彩缤纷嘅美酒，感觉更加Chill。
喺琳琅满目嘅美酒前，同Bartender 倾左两句，佢介绍左两杯靓靓美酒俾我地。
Berry well($118)主要系白酒，mixed berries 等。甜甜地，十分易入口，味道fruity，入口少少creamy，加埋少少花香，呢杯真系好啱女仔饮。
Smokey Passion ($108) 仪式感极重，啱晒打卡。呢杯唔只系味觉嘅享受，上枱时，Bartender 会在旁洒上香气，所以会有一刻有一阵阵嘅香气烟雾。入口同样感觉fruity，不过可能因为有passionfruit，所以多一份 fresh嘅感觉。
食物我地拣左椰菜花烟熏芝士意大利饭($178)，劲钟意呢个饭，有意大利饭软糯黏稠嘅口感，但又唔会觉得好滞，反而椰菜花唔单只加强左口感嘅层次，更令到每啖饭都多一重蔬菜嘅清爽，而且味道几清淡，啱我。
另外，仲要左一份香煎慢煮牛柳伴日本南瓜杏包菇 配 牛肝菌牛肉原汁($308)。上枱已经被慢煮而成嘅粉嫩紫红色所吸引，慢煮牛柳油脂唔多，但牛味丰盛，配搭牛肝菌牛肉原汁，味道就更原始，每一啖咀嚼都系牛嘅原汁原味。
仲有一个用心位，当点了慢煮牛柳后，会奉上不同嘅刀俾我地选择，以为只系拣一把啦，但知道我地会share，就我地各自拣一把。第一次食牛扒可以自己拣刀，每把刀嘅刀身、刀柄都有唔同设计，非常特别嘅经验。
有时误打误撞之下，反而会得到极大嘅惊喜，呢个晚餐真系超Chill，无论环境、食物、气氛、感受……等等，一切都非常轻松惬意。
张贴
