蕃滿門 (已結業)

蕃茄營養豐富，味道酸酸甜甜，無論凍食熱食都一樣受歡迎！近年坊間食店都會加入一兩款蕃茄湯底嘅料理，可見蕃茄嘅魅力！蕃滿門係主打蕃茄料理嘅食店，所有粉麵飯都配合蕃茄湯底，仲有辣有唔辣，任君選擇！蕃茄湯底味道濃郁，屬西餐口味，唔似阿媽平日嘅蕃茄薯仔湯。湯底用大量蕃茄熬煮成濃湯，味道甜甜哋，配飯、麵，意粉都好好味！午市套餐選擇多，仲久唔久轉菜單，有肉有菜，有湯麵粉，有飲品，套餐約$55~65 如果唔鍾意食湯粉嘅，可以揀佢嘅焗飯焗意粉。焗飯係即叫即焗，上枱仲係滾緊夠晒新鮮熱辣。上次食過焗豬排飯就一般般，個人覺得大X樂好食啲 今次叫咗焗芝士肉醬意粉，味道方面 - 蕃茄味濃，芝士亦有拉絲效果，但略嫌肉醬太少，意粉份量亦唔算多，啱晒細食嘅OL，男士們就應該唔夠飽喇！而全個餐最伏應該係杯凍檸茶，冇檸檬嘅檸茶令人無言！服務方面，員工比剛開業時勤快200% 環境方面就真係要改善吓，可能係EMAX 嘅抽風問題，環境四周悶焗，面對滾燙嘅湯麵，加上店內射燈，簡直係汗水失禁！