肉浦團火鍋放題 (已結業)

今次係我第三次寫食評，頭兩次點解寫呢？因為係劣評！今次寫食評因爲我覺得值得一寫，呢間食肆開張到僅僅一個月左右，我已經同老婆嚟左食兩次，老婆同佢阿妹又嚟咗一次。第一次大概兩點鐘左右，同老婆喺旺角附近搵嘢食，遇到一個極度積極嘅年青人喺度派傳單同介紹，睇見佢咁認真嘅工作態度，就同老婆走咗上去試下，去到呢間新鋪員工招待友善，店鋪裝修新淨光鮮整潔，跟住我哋兩公婆只係叫咗兩份平價定食嘅火鍋，佢哋嘅員工冇因爲我哋只係食價錢平嘅定食，而對我哋有任何不善態度，相反員工JACKY認真地對我哋介紹佢哋公司嘅食材及理念，態度友善。講返食材，雖然只係叫定食，但係定食份量足夠，至於放題自取區嘅食品都好特別，有好少見嘅冰菜牛柏葉同土魷魚，以呢個價錢同埋食材我係非常滿意。就係咁所以係好短嘅時間我都唔介意由元朗出嚟旺角再次享用呢度嘅食品，整體而言這間食肆係值得一試。