黑樺牛 (已結業)

今日放年假，同老公去食好西，食A5和牛放題。環境好舒服，乾淨，好有日本既感覺。我地叫左黑松露野生竹笙松茸菌鍋做湯底，好香濃既菇味！先上左個麻辣拼盤，有牛展，皮蛋同青瓜，牛展好惹味，個醬唔會太辣，辣度適中，青瓜夠新鮮，爽脆。之後上左海鮮，都係頭盤，好新鮮，好有海味，清甜！呢個係黑樺牧場盛合層架，第一二層都係和牛，第三層係蝦膠同墨魚膠。牛肉新鮮，即解凍，濃郁既牛味令人一試難忘，牛油味香，只需小灼幾秒即可食用，滿滿的牛肉，令人滿足！再追加了牛小排和玉子後腰肉，牛小排彈牙香口，玉子與牛肉十分夾，令人齒甲留香。這次的和牛放題實在令人太有滿足感，下次一定要再幫襯！