燒肉牛蔵 (已結業)

香港人都好鍾意食燒肉，尤其係放題，絕對係食肉獸嘅天堂！至於食燒肉，最緊要一定係要啲肉夠靚， 如果唔係價錢幾平幾多嘢飲都冇用。今日就嚟到尖沙咀呢間牛藏！裝修好有氣氛，同埋每一枱嘅私隱度都好高，小型聚餐或者情侶都非常適合嚟！咁就入正題啦！肉嘅種類唔使我多講，大家睇相就知道，每一個部位都會標明，同埋每一個部位都好好食。雖然望落係細細塊同埋份量唔多，但係放題可以任叫㗎嘛！最緊要記得唔好燒到過晒龍呀！調味方面呢，佢一般呢啲肉係冇調味嘅，每一張枱都會有一樽岩鹽，每個客都會有一碟醬油，鍾意食咩口味就可以隨便，個人覺得點鹽係最好食嘅！除咗燒肉呢度都有海鮮，佢啲海鮮都非常新鮮㗎！海鮮就記得要燒熟啲喎！最精彩就係蠔，燒完都唔會縮水㗎！又夠鮮味！除咗燒海鮮呢度都有刺身食，刺身亦都好有水準，感覺到呢間餐廳喺唔同方面都做到一定嘅標準！嘢飲任飲，除咗汽水之外，仲有紅酒白酒清酒，但係我唔飲酒，唔知使唔使另外加錢呀！呢度嘅雪糕都係好嘢嚟，成餐飯由頭到尾都好高質！