Burgeroom (美麗華廣場1期) (已結業)

呢排成日約朋友一齊去尖沙咀食飯，朋友話上次佢去呢間Burgeroom食過好好食，所以我哋就約埋今日一齊去試。呢日下午我好早就去到，所以餐廳唔需要等位，餐牌上面有好多好多款唔同特色嘅burger，而且價錢好實惠，所以我同朋友就叫咗一份burger同一份小食。首先我哋叫嗰一份鵝肝鱈魚柳漢堡真係有好大嘅驚喜，鱈魚柳炸得啱啱好，炸皮好薄而且肉多，上面嗰份鵝肝燒得外脆內軟，外邊燒到有啲焦香，超級好食！我哋仲叫咗一份爆谷雞配蜜糖燒烤醬，好鍾意佢啱啱炸好個種脆，但係入邊仲係好多肉汁，唔會好似出邊有啲舖頭咁炸到好乾身。我仲叫咗一杯蜜桃冰茶，水準唔錯。呢餐為埋兩個人都係差唔多300，我覺得係尖沙咀食到呢個質素真係好抵，下次會再嚟幫襯！