黑樺牛 (已結業)

同生日食生日飯～ 因為朋友好中意食牛肉～ 所以帶左佢黎食日本黑樺牛放題～我地選左花雕日本薩摩雞藥膳鍋～ 湯底既花雕味好正，煲底既雞係雞腿肉黎～ 新鮮大件又香滑～ A5黑樺牛超級多唔同既部位，有牛頸脊，牛前胸，牛肩胛肉，特上霜降小排，上肩胛肉，肩胛梅花，仲有干本筋～超級多選擇！個人喜歡特上霜降小排同埋上肩胛肉～ 油膩均衡，入口即溶令到口感層次豐富！入座食放題仲有禮物～有黑樺牛牧場精選層架，北海道大元貝牡蠣海鮮拼盤～ 慶祝生日影相一流～ 黑樺牛牧場精選層架好似afternoon tea 咁擺放得好好睇，仲有玫瑰花牛肉～ 中層豚肉，底層蝦丸彈牙又好食！北海道大元貝牡蠣海鮮拼盤真係新鮮又驚喜，職員會幫手蒸焗海鮮，有海蝦，扇貝同埋生蠔🦪全部都係當場開殼，非常新鮮放題仲有好多野可以叫～ 好似炸魚皮，山根，響鈴同紫菜響鈴都有～ 仲有鴨血，豆腐，和款菜類～ 好多選擇！甜品有雪糕有雪條，仲再沙冰同茶都係任飲～好喜歡椰奶蜜瓜沙冰～