The Big Things Noodles (已結業)

k11 musea foodcourt真係俾人一種耳目一新嘅感覺，入面嘅餐廳超級多元化，唔同地方嘅嘢食都有得食，唔似出邊一般商場嘅food court。就好似呢一間咁，fusion得黎仲要出色！今次一共叫咗兩個烏冬，第一個係特濃卡邦尼稻庭烏冬，另一款就係特濃海膽稻庭烏冬。兩個烏冬都各有特色，兩個都好有驚喜！第一個卡邦尼超級香口，佢哋嘅煙肉好出色，脆得來又唔會太鹹，估唔到卡邦尼配烏冬都幾夾，仲要好Juicy，一啲都唔乾，個人比較鍾意呢一款！另外一款就係海膽稻庭烏冬，海膽份量可以接受，湯底亦都好濃，醬汁杰身，能夠包圍每條烏冬，好香口，海膽亦都好新鮮冇怪味，如果鍾意海膽嘅朋友可以試吓！