鮨樂 (奧海城3期) (已結業)

今日同FD去奧海城睇戲，睇完戲就去搵野食，因為好掛住日本，又暫時未去得住，唯有食下正野平衡返先，行行下原來呢度有間鮨樂，荃灣成日經過都無機會食，今日就去一於食佢啦我地大約6點入去，環境好舒服，主要係日式風格，木系裝潢睇下餐牌都有好多款式，前菜我地叫一人一隻生蠔，仲要係令和の怪物，大大隻好鮮甜，配埋呢度少少酸既醬汁，一流食日本野當然要食刺身，分別叫咗吞拿魚、中拖羅、大拖羅刺身各2塊，真係好新鮮，油分十足我超鍾意食吞拿魚，所以唔夠喉，又再叫咗（吞拿魚）盛合（5件）同埋拖羅丼，件件質素都有返咁上下，超滿足，吞拿魚小卷好特別，入面有脆脆，增加口感我地仲叫咗汁燒原隻活北寄貝，係燒既，職員話可以生食或熟食，我地兩樣都有試，好鮮甜，北寄貝下面仲有少少昆布，燒完仲吸哂觧味，連昆布都咁好味另一樣正野，當然係蟹味噌甲羅燒，呢度比出面餐廳一般大隻，咸咸鮮鮮，記得要配埋脆片一齊食刺身都係想試多啲唔同風味，餐牌見到有個時令薄切（洋風）就直接叫咗，原來咁特別，係刺身包住啲香蔥，配合埋一齊食，個香味唔講得少最後仲叫剌身盛，超豐富，擺盤好靚，樣樣都新鮮，好滿足飲品方面叫咗巨峰提子梳打同埋檸檬梳打，巨峰提子好香又唔假，