燒肉臻 (已結業)

前兩日同老婆去尖沙咀行街，老婆話想食好嘢🤔即上open rice 搵搵，見呢間燒肉臻，突然間吞一吞口水，唔諗，出發。環境方面：入面好企理，有部燒酒機，又有得睇住師傅整食物，地方乾淨，舒服👍服務方面：職員都係後生仔女，又會主動介紹醬油食法，燒酒機點樣用👍食物方面：首先，我想强調，佢哋嘅食材，十分新鮮，明顯係靚嘢，基本上，肉類會俾我哋自己燒，海鮮類就由師傅主理，講真，海鮮俾我都敢自己燒，驚浪費😂 1. 和牛三角胸小排，內嫩，入口即熔，好正，必點😍 2.伊比利亞豬肋條＋梅頭，啲脂肪平均，好嫩滑，又係必點😍 3.炭火雞＋日本雞心，好食嘅，但都係豬牛好食啲 4.日本雞頸，口少食嘅部份，原來幾滑 5.甲羅燒，味道濃郁，配梳打餅，好夾，就咁食唔配梳打餅，亦有一番風味 6.蟶子＋帶子，又係勁鮮，真正鮮甜👍 7.白鱔，層油脂真係不得了，又必點😍 8.燒龍蝦仔，新鮮得嚟，啲肉又爽，龍蝦汁令人回味，又必點😍好多必點😑🙏巨峰乳酪梳打，唔太甜，開胃👍仲有個開胃青蘋果沙律，好清新呢度仲有一部自助燒酒機㗎，不過我揸車，所以無飲，下次又要玩下😂總結：雖然價錢唔平，但真係