影片
更多
2016-06-05
6447 浏览
身為一名黑洞，最中意就係食放題，尤其是近年既放題選擇越黎越多，次次都要揀好耐都唔知試邊間，今次終於黎到試呢間係銅鑼灣既人氣放題，食完即刻成為左黑洞既放題最愛一黎到坐低即刻急不及待去自助吧睇有咩野食，淨係沙律吧都已經夠多，除左菜仲有好多配料同水果任揀轉個彎睇，嘩啲熟食點解可以咁多款令人驚喜係佢除左選擇多之外，更重點係款式特別，拎左呢個章魚小丸子同炸雞，章魚子要大推呀皮仲係暖而且有啲脆，食落真係有章魚粒仲要係大粒！！！比起好多街邊賣既小丸子更高質！炸雞雖然唔會好似專門店咁高質但至少做到皮脆肉厚另外仲有葡撻仔同泰式鳳爪等都係又有新意又有質素既小食未落單都已經好興奮lol講返呢到既刺身先，因為得兩個人所以唔係叫左好多，但每款都係厚切兼新鮮，我平時通常淨係食三文魚，但見呢到件件都咁新鮮所以全部都試左，尤其是係蝦刺身，有三種揀，平時最唔中意食蝦既我竟然會食哂三種超大隻仲要全部都鮮甜，想點先呢到既壽司既賣點係款式多，仲要係好多都係出面少食或者係貴價款，試左好多款每款都見佢係用心製作，講真平時成日放題都食到果啲偷工減料或者hea整既壽司，心諗我不如去食爭鮮囉，但呢到真心大部份都整得靚靚仔仔，真係估佢唔
一黎到坐低即刻急不及待去自助吧睇有咩野食，淨係沙律吧都已經夠多，除左菜仲有好多配料同水果任揀轉個彎睇，嘩啲熟食點解可以咁多款
令人驚喜係佢除左選擇多之外，更重點係款式特別，拎左呢個章魚小丸子同炸雞，章魚子要大推呀皮仲係暖而且有啲脆，食落真係有章魚粒仲要係大粒！！！比起好多街邊賣既小丸子更高質！炸雞雖然唔會好似專門店咁高質但至少做到皮脆肉厚另外仲有葡撻仔同泰式鳳爪等都係又有新意又有質素既小食未落單都已經好興奮lol
講返呢到既刺身先，因為得兩個人所以唔係叫左好多，但每款都係厚切兼新鮮，我平時通常淨係食三文魚，但見呢到件件都咁新鮮所以全部都試左，尤其是係蝦刺身，有三種揀，平時最唔中意食蝦既我竟然會食哂三種超大隻仲要全部都鮮甜，想點先
呢到既壽司既賣點係款式多，仲要係好多都係出面少食或者係貴價款，試左好多款每款都見佢係用心製作，講真平時成日放題都食到果啲偷工減料或者hea整既壽司，心諗我不如去食爭鮮囉，但呢到真心大部份都整得靚靚仔仔，真係估佢唔到有咁既質素
呢碟係佢果啲創作小食，其實叫果陣唔知咩黎，見佢幾得意就叫，食落大部份都好正，尤其推介佢個三文魚酥同埋煙三文魚餅乾，酥好香仲要係鬆化，唔係果啲放左好耐硬實實既感覺，饀仲要勁多，呢啲似係自助餐先會有得食lol
熟食唔係話試左好多，因為叫左好多炸野同留肚食甜品但最推介係呢個芝士焗帶子熱辣辣白汁多仲要叫左幾次都係咁大隻，唔係得個樣
終於到本人最期待既炸物時候，我覺得炸物既質素其實都可以睇得出一間放題既質素，炸野唔難但會唔會炸到成口油或者炸䊢仲多個饀等等都好重要！！呢到既炸物款都算多，普遍都炸得脆身同埋唔油膩天婦羅中以天婦羅蝦最高質，蝦本身大隻同埋無出現話醃得太過度既問題，其他就不過不失無咩特別~但反而其他炸物會更推介，佢個炸多春魚同埋芝士春捲都好食炸物普遍都高質，美中不足係無芝士年糕我次次都要食架嗚嗚，不過佢都有個炸芝士丸同埋一口炸芝士彌補返
串燒同樣款式多，最令人驚喜係竟然連鰻魚都可以係串燒，仲要係大大件！！！平時食都貴架啦，而家竟然可以成串成串咁食真係要無限encore啦！！！！！不過佢呢到鰻魚都幾肥，大家要就住食囉
全個放題最令黑洞滿意同興奮，係佢個甜！品！櫃！！！！！因為本人係有另外十個胃食甜品的每款都試左幾次哈哈哈哈！平時放題甜品已經少款，仲要好多時候啲蛋糕真係勁中伏...尤其芝士蛋糕果啲完全係但呢到全部都無邊件係伏，當中推介紫薯撻，brownie 蛋糕仔，芒果糯米糍同埋芝士蛋糕！！！紫薯撻既饀味道唔假，仲要啲蓉好香，撻皮難得地唔係林身！！芝士蛋糕係厚實兼真芝士味，口感實在又唔會太實，食左幾件都唔覺漏！芒果糯米糍同樣唔馬虎，皮唔太厚芒果唔會偷工減料架！！不過個皮就唔係食開果種煙韌口感~ 食完咁多件蛋糕，再食多兩杯乳酪雪糕，配料無我平時最中意既彩針但都有好多其他選擇，好似棉花糖橡皮糖等，加埋朱古力醬正正子（不過唔知點解啲朱古力醬勁杰身），乳酪雪糕唔甜感覺食多幾杯都唔會肥
靜雞雞話你知，黑洞最後睇下有咩食，見到有成個雀巢櫃，再食多兩杯芝蔴同紅豆味雪糕先走...
滿足到一個點既晚上一定會再黎幫襯！！！！！識食一定係九點半之後食折完二百蚊埋單！！
张贴
