叁不館

营业中

休息中

今日去左呢間係天后嘅火鍋店，餐廳地址係位於天后電氣道68號金輪天地7樓位置，距離地鐵站都唔係好遠，行過去都係差不多五分鐘嘅路程，我哋去之前已經係網上搵定電話BOOK位，我哋就間左食七點，大家收工時間去食 豬骨卜卜蜆湯底：卜卜蜆非常鮮甜， 分量亦都對得住呢個價錢，豬骨亦有五至六件，配埋湯底本身亦有羅白同粟米，滿滿嘅胡椒味十足 即炸魚皮：即炸魚皮成分都脆卜卜，同埋令我哋超級驚喜嘅係佢嘅即炸魚皮仲係超級熱，證明餐廳真係即叫即做，除此之外，份量亦好多，我哋兩個都差啲食唔晒，每人都最少食到五六件 時令海鮮：我哋叫店員推薦我哋食，店員幫我地間左新鮮嘅蘇格蘭蟶子，仲幫我哋起埋殼，淥一分鐘就可以食，超級新鮮同埋爽脆，另外，我哋都有食到新鮮嘅帆立貝，每一隻都極度大隻，食落口亦好有咬口同鮮甜 手切封牛柳：呢個牛肉真係成晚嘅主角，封牛柳係位於牛腹部嘅兩側，靠近前腿之間嘅位置，牛肉味極為濃郁，而且佢嘅肉質鬆軟，咬落去亦唔會韌，脂肪含量較低，食到滿滿嘅牛肉味，配埋個湯底食，正！ 新鮮鵝腸：新鮮鵝腸其實係市面都好難搵，好多都係雪藏，呢間餐廳供應新鮮鵝腸，而且質素亦超級高，鵝腸食起嚟爽脆不亦唔會好似咬橡筋咁，啱使鍾