影片
更多
2021-02-08
494 浏览
好耐冇食過燒肉啦！牛大人一向好多好評，最近知道牛大人姊妹店安平燒肉喺荃灣新開張，就趁著假日同老公去試下！安平燒肉果然人氣十足，1pm已經座無虛席！其實到我哋離開時，出面仍然大排長龍呢！我哋點咗澳洲M5和牛120分鐘放題餐($378@)，同我哋一樣係牛魔王嘅話呢個餐非常抵食！因為可以一次過食到澳洲M5和牛、SRF極黑霜降牛肉眼、安格斯牛小排、SRF極黑一口牛及SRF極黑牛肩胛肉等多款靚牛！除咗常見嘅牛豬雞肉類之外，仲有海鮮、台灣夜市小食及多款台灣直送食材，選擇又多又吸引！用QR code下單，上菜速度好快！燒肉期間，試試台灣夜市小食！炸物上枱時仲係熱辣辣，南部章魚卷、澎湖花枝排、安平炸蚵卷、鹽酥雞通通都炸得酥脆惹味！我最鍾意食梅山酥炸薯，外脆內軟綿綿，好掛住呢D台灣夜市小食呀！枱上共有5種醬汁，例如檸檬汁、燒汁等、蛋黃醬等，各有特色。我自己鍾意肉類配燒汁，蔬菜配蛋黃醬，更能提升味道。開始燒肉啦，肉類質素好高，平時我哋喺屋企都有煮下澳洲M5和牛、SRF極黑牛、安格斯牛，呢三款牛都係肉味較濃，而澳洲M5和牛及SRF極黑霜降牛肉眼油脂分佈平均，肉質細膩，所以價錢稍高，而家放題有得任食，真係超滿
我哋點咗澳洲M5和牛120分鐘放題餐($378@)，同我哋一樣係牛魔王嘅話呢個餐非常抵食！
因為可以一次過食到澳洲M5和牛、SRF極黑霜降牛肉眼、安格斯牛小排、SRF極黑一口牛及SRF極黑牛肩胛肉等多款靚牛！除咗常見嘅牛豬雞肉類之外，仲有海鮮、台灣夜市小食及多款台灣直送食材，選擇又多又吸引！
用QR code下單，上菜速度好快！燒肉期間，試試台灣夜市小食！炸物上枱時仲係熱辣辣，南部章魚卷、澎湖花枝排、安平炸蚵卷、鹽酥雞通通都炸得酥脆惹味！
我最鍾意食梅山酥炸薯，外脆內軟綿綿，好掛住呢D台灣夜市小食呀！
枱上共有5種醬汁，例如檸檬汁、燒汁等、蛋黃醬等，各有特色。我自己鍾意肉類配燒汁，蔬菜配蛋黃醬，更能提升味道。
開始燒肉啦，肉類質素好高，平時我哋喺屋企都有煮下澳洲M5和牛、SRF極黑牛、安格斯牛，呢三款牛都係肉味較濃，而澳洲M5和牛及SRF極黑霜降牛肉眼油脂分佈平均，肉質細膩，所以價錢稍高，而家放題有得任食，真係超滿足！另外上選牛腹肉都好食，爽脆嫩滑。
澳洲M5和牛120分鐘放題餐仲會奉送嚴選牛舌芯（每位2件），牛舌芯切成長方條狀，厚身爽滑，牛味突出之餘亦散發油脂香，令人回味！
除咗牛之外，估唔到豬肉及雞肉類都好有驚喜！豬肉類選擇多多，厚切杜洛黑豚肉亦屬較貴價，肉味香濃。原住民鹽燒肉燒烤又香又脆，都唔可以錯過呢！烤豬肉乾亦好特別，好高質！
雞類我最鍾意九層塔三杯雞及老虎雞翼，三杯雞完全係台灣嘅味道，好入味！
海鮮方面亦有回本位，有大大隻虎蝦及帆立貝任點，海鮮用料新鮮，而且無將貨就價，虎蝦真係又大隻又彈牙！
呢度仲有好多台灣直送食材，出面燒肉店好少見，例如：台灣鯛魚下巴、屏東燒魚腹、雞泡魚乾、起司鵪鶉蛋、台灣小枕頭。
屏東燒魚腹係魚最嫩滑嘅部位，好刁鑽，平時極少見到，所以我足足encore咗5次，好誇張，哈哈！
值得一提嘅係飲品選擇好多，有台式蘋果梳打，百香果綠茶，藍莓果茶，桂花烏龍茶等等，我點咗杯百香果綠茶，果香十足，茶味亦平衡，飲得出好有誠意！
出面飲品櫃仲有冷泡茶，一來我本身好鍾意飲茶，二來食燒肉飲D茶絕對有解膩作用！
甜品有Haagen-Dazs雪糕及檸檬愛玉，愛玉滑捋捋，加埋珍珠及蒟蒻，口感豐富又清新！
總體來講，食物質素好高，選擇多元化又吸引，上菜速度亦好快，服務殷勤，絕對會encore！
张贴
