禾日

▫️自從希慎重新裝修左地庫兩層成為美食廣場，就多左好多新餐廳進駐😎 見到有間裝修非常有格調嘅日本餐廳，即時被吸引左入去👀🍣 禾日本格派壽司 $178▫️用一個小金圓盒裝住壽司飯，面層放上海膽、松葉蟹肉、醬油漬三文魚籽製成華麗嘅創意壽司😍 不得不提海膽同三文魚籽真係超鮮甜‼️ 係一啲腥味都無架🥹 旁邊放上紫菜可以包黎食💕🐟 禾日前菜三品 $148▫️有3款前菜，深海池魚配柚子醬油同樣好新鮮，吞拿魚醬油漬夠嫰滑一啲筋都無，底層仲舖左山藥蓉🍣 竹子胡蔴菠菜砌成竹子樣，又靚又好食🎋🍥 香蔥·碎吞拿魚腩配脆米餅 $98▫️幾創新嘅食法，碎吞拿魚腩淋身得黎有咬口，仲有三文魚籽🤤 放上脆卜卜嘅米餅口感好豐富😋🐷 北海道十勝豚丼 $148▫️豚肉切得幾厚身，烤得好香，搽上甜甜地嘅醬汁送飯真係一流🥳🥑 軟殼蟹牛油果卷 $158▫️軟殼蟹幾脆身，要趁早食如果唔係好快淋😝 舖滿新鮮牛油果味道好夾✌🏻🍨 禾日特選甜品拼盤 $148▫️2人份量嘅甜品總共有4款🖖🏻 雪糕原本係抹茶味，不過因為想試清酒味就問下有無得轉😛 食落真係有淡淡清酒同米香好特別🍶▫️仲有水信玄餅配糰子，都係點黑糖先有味😝 黃豆蕨餅好軟糯，布丁滑溜重牛奶香🥛